Løgtingið sendi sjúkrarøktarfrøðingar aftur til arbeiðis

Við 19 atkvøðum fyri og sjey ímóti samtykti løgtingið í kvøld, at nakrir sjúkrarøktarfrøðingar skulu aftur til arbeiðis soleiðis, at heilsuverkið virkar hóast verkfallið

Ónøgdir sjúkrarøktarfrøðingar harta Eyðdis Hartmann Niclasen og Erhard Joensen úr Sambandsflokkin fyri, at tey atkvøddu fyri, at løgtingið legði seg út í verkfallið hjá teimum

Mynd: Bjarni Árting Rubeksen

Uni L. Hansen

02.11.2023 - 20:28

Løgtingsuppskotið um at leingja sáttmálan millum øðrumegin Felagið Føroyskir Sjúkrarøktarfrøðingar og hinumegin Fíggjarmálaráðið fyri ávís størv í Sjúkrahúsverkinum bleiv í kvøld samtykt.

Hetta merkir, at nakrir sjúkrarøktarfrøðingar, sum annars løgdu arbeiðið niður í dag, skulu aftur til arbeiðis soleiðis, at heilsuverkið framvegis virkar og at lív og heilsa hjá fólki ikki kemur í vanda.

Ruth Vang, Sjúkrarøktarfrøðingar í verkfalli, tingfundur um uppílegging í verkfal

Teir tríggir samgonguflokkarnir, Javnaðarflokkurin, Tjóðveldi og Framsókn, atkvøddu saman við fýra sambandsfólkum, Erhard Joensen, Eyðdis Hartmann Niclasen, Helga Abrahamsen og Magnus Rasmussen, fyri uppskotinum.

Sjey atkvøður vóru ímóti, og vóru tað teir fýra fólkafloksmenninir, sum vóru á tingfundinum, báðir tinmenninir hjá Miðflokkinum,og so Kaj Leo Holm Johannesen úr Sambandsflokkinum.

Fyri (19)

Ímóti (7)

Hanna Jensen, Framsókn
Sólvit E Nolsø, Framsókn
Birita Matras Petersen, Javnaðarfl.
Eyðgunn Samuelsen, Javnaðarfl.
Hans Jacob Thomsen, Javnaðarfl.
Henrik Old, Javnaðarfl.
Jóhannis Joensen, Javnaðarfl.
Kim Durhuus, Javnaðarfl.
Kristianna Winther Poulsen, Javnaðarfl.
Súsanna Bertholdsen, Javnaðarfl.
Uni Holm Johannesen, Javnaðarfl.
Erhard Joensen, Sambandsfl.
Eyðdis Hartmann Niclasen, Sambandsfl
Helgi Abrahamsen, Sambandsfl.
Magnus Rasmussen, Sambandsfl.
Annika Olsen, Tjóðveldi
Bjørt Samuelsen, Tjóðveldi
Eirikur í Jákupsstovu, Tjóðveldi
Hervør Pálsdóttir, Tjóðveldi

Bárður á Lakjuni, Fólkaflokkurin
Beinir Johannesen, Fólkaflokkurin
Jacob Vestergaard, Fólkaflokkurin
Jørgen Niclasen, Fólkaflokkurin
Jenis av Rana, Miðflokkurin
Steffan Klein Poulsen, Miðflokkurin
Kaj Leo Holm Johannesen, Sambandsfl.

Sí uppskotið og viðgerðina av uppskotinum her.