Dagførdur sáttmáli kann rudda slóð fyri sjálvstøðugum limaskapi

Helsingfors-sáttmálin, sum er grundarlag undir norðurlendska samstarvinium, skal dagførast. Og tað kann gerast møguleikin hjá Føroyum, Grønlandi og Ålandi at fáa sjálvstøðugan limaskap í Norðurlandaráðnum.

Tað sigur Johan Dahl, sum er við í arbeiðsbólkinum, ið skal geva Norðurlendska Ráðharraráðnum uppskot um dagføringar:

Føroyar hava biðið um sjálvstøðugan limaskap fleiri ferðir, men tað hevur ikki borið á mál.

Johan Dahl sigur, at kann tað fáa avgerandi týdning, at danska stjórnin nú tekur undir við, at Føroyar og Grønland fáa sjálvstøðugan limaskap.

Hoyr innslag í útvarpstíðindunum: 

Johan Dahl á Norðurlandaráðsfundi í Oslo - mynd av Facebook-vanga

Johan Dahl og Aksel V. Johannesen í Stórtinginum, har Norðurlandaráðið hevur ársfund. (Mynd av Facebook-vanga hjá Johan Dahl)

Aksel V. Johannesen í Norðurlandaráðnum

Aksel V. Johannesen, løgmaður, á Norðurlandaráðsfundi (Mynd: NTB/Ritzau Scanpix)

Mute B. Egede

Grønlendski landsstýrisformaðurin, Mute B. Egede, gav ilt av sær og hótti við at taka Grønland úr Norðurlandaráðnum, tá hann helt røðu í Norðurlandaráðnum í gjár. (Mynd: Norðurlandaráðið)

Mette Frederiksen

Mette Frederiksen, forsætisráðharri, sigur, at danska stjórnin tekur undir við, at Føroyar og Grønland fáa sjálvstøðugan limaskap í Norðurlandaráðnum. (Mynd: NTB/Ritzau Scanpix)

Aksel V. Johannesen, Bjørt Samuelsen, Mute B. Egede

Løgmaður, Bjørt Samuelsen, løgtingsforkvinna, og Mute B. Egede, landsstýrisformaður í Grønlandi, til móttøku á slottinum í Oslo. (Mynd: NTB/Ritzau Scanpix)

Aksel V. Johannesen

Løgmaður til borðs á slottinum í Oslo. (Mynd: NTB/Ritzau Scanpix)