Ukraina bjóðar grønlendingum at tosa um fólkaræði

Grønland var í gjár boðið at koma til Ukraina í heyst at tosa um millum annað fólkaræði.

Tað sigur Kim Kielsen, landstingsformaður.

Hann og landsstýrisformaðurin, Múte B. Egede, hittu Volodymyr Zelenskyj, forseta, í Keypmannahavn í gjár.

Kim Kielsen sigur við KNR, at talan er um óformliga innbjóðing frá fólki hjá Zelensky.

So Grønland fær ikki svarað enn. Innbjóðingin skal viðgerast í Grønlandi fyrst.

Kim Kielsen, Siumut

Kim Kielsen, landstingsformaður.

Onnur eru eisini boðin

Kim Kielsen sigur, at onnur demokratisk lond hava eisini fingið hesa innbjóðing.

Múte B. Egede heldur, at møguleiki er fyri, at Grønland tekur av innbjóðingini frá Ukraina.

Hann sigur, at størri samhandil millum londini bæði kann spyrjast burturúr.

15 prosent av útflutninginum hjá Grønlandi var til Russlands. Men hann er nú hildin uppat.

Múte B. Egede

Múte B. Egede, landsstýrisformaður.