Klára neyvan at fiska alla felagsmakrelkvotuna

Felags makrelkvotan er 55.000 tons, men higartil eru bara 12.000 tons fiskað. 

Dennis Holm, landsstýrismaður, hevur tí gjørt av at hækka hámarkið, sum hvørt skip kann fiska av felags makrelkvotuni.

Hámarkið verður hækkað úr 4.500 tonsum upp í 6.000 tons.

Broytingin fær gildi beinanvegin.

Men tað er ivasamt, um føroysku uppsjóvarskipini klára at fiska alla felags makrelkvotuna háost broytingina. 

Vertíðin fyri makrelfiskiskapin í føroyskum og altjóða sjógvi fer at halla. 

Í fjør varð fiskað út í september. 

Samlaða makrelkvotan í ár er 187.000 tons. Harafturat hava tey, sum hava eginkvotu møguleika at flyta 10 prosent av ófiskaðu kvotuni frá í fjør. Tilsamans er kvotan sostatt 200.000 tons.

Vørn upplýsir, at higartil eru 99.000 tons av samlaðu makrelkvotuni fiskað.