Føroyingar á Rødbygaard vóru í verri støðu enn danir

Í heyst fer danska stjórnin at biðja um umbering fyri, hvussu fólk, sum vóru sett heiman undir ser- og andveikraforsorgini í tíðarskeiðnum 1933-1980, vórðu viðfarin.

Ein søgulig frágreiðing fyri hetta tíðarskeiðið varpar ljós á eitt døkt tíðarskeið í danskari søgu.

- Børn, ung og vaksin hava verið fyri sviki og ágangi, meðan tey hava verið undir varðveitslu hjá statinum, verður sagt í frágreiðingini.

Eisini fleiri føroyingar vóru millum teirra.

Børn á donskum serstovni og andveikravernd, Rødbygaard

Børn undir donsku ser- og andveikraforsorgini. (Savnsmynd)

Ein, sum kennir nógv til donsku ser- og andveikraforsorgarstovnarnar, er Ragnhild Dahl. Hon lærdi á Rødbygaard, hagar føroyingar vórðu sendir.

Ragnhild Dahl heldur, at føroyingarnir, sum vórðu sendir niður, vóru í verri støðu enn teir donsku, men teir verða ikki nevndir í frágreiðingini.

Ragnhild Dahl hevur arbeitt á økinum alt sítt lív, og í dag er hon ráðgevi hjá Javna: