- Tíðindi, mentan og ítróttur
Bakkafrost: Málið er ongan laks at missa
Bakkafrost: Málið er ongan laks at missa
Stjórin í alifyritøkuni ásannar, at tað hevur avbjóðingar við sær at ala longri úti á firðunum
Bakkafrost misti 200.000 laksar á Hovsfirði (Savnsmynd)
14.07.2023 - 12:20
- At vit missa útivið 200.000 laksar á Hovsfirði, er nakað, sum ikki má henda, tí okkara mál er ongan laks at missa.
Tað sigur Regin Jacobsen, stjóri í Bakkafrosti.
Regin Jacobsen, stjóri í Bakkafrosti.
Hann ásannar, at tað hevur avbjóðingar við sær at ala longri úti á føroysku firðunum, sum Bakkafrost hevur gjørt tað seinnu árini.
Hoyr innslag í útvarpstíðindunum:
13072023_Regin_Jacobsen_
Hendingin á Hovsfirði kann fáa avleiðingar fyri Bakkafrost, næstu ferð loyvi skal latast til aling í økinum, og at treytirnar tá verða herdar.
Myndugleikarnir ov linir
Føroysku myndugleikarnir eru alt ov linir, tá tað snýr seg um at revsa fyritøkur, sum dálka umhvørvið.
Eyðfinn Magnussen, lektari.
Tað sigur Eyðfinn Magnussen, lektari í lívfrøði, í sambandi við at Bakkafrost misti 200.000 alilaksar fyrr í ár.
Sí innslag í Degi og Viku týskvøldið:
20230711_LAKSUR_UMHVORVISVANLUKKA
Nóg hørð revsing
Mistu alilaksarnir hjá Bakkafrosti eru ein nóg hørð revsing í sær sjálvum.
Tað heldur Høgni Hoydal, landsstýrismaður, sum varðar av økinum.
Hann heldur, at lóggávan í Føroyum í praksis kann revsa fyritøkurnar harðari enn í Noregi. Tí er ikki neyðugt við revsitiltøkum, sum t.d. at geva bøtur.
Sí innslag í Degi og Viku í gjárkvøldið:
20230713_BAKKAFROST
Er kopiera
Nýggjastu sendingar í ÚV
Nýggjastu sendingar í SV
