Ísrael: Stór mótmæli móti broytingum í rættarskipanini

Ísrael: Stór mótmæli móti broytingum í rættarskipanini
Fleiri mótmælisfólk vóru í samanbrestum við løgregluna, og í minsta lagi 37 eru handtikin fyri brot á politiviðtøkurnar
Mótmælisfólkini bóru ísraelsk fløgg, tá tey mótmæltu í Ben Gurion-floghavnini.
Mynd: Ritzau Scanpix  
 
04.07.2023 - 14:27

Fleiri túsund mótmælisfólk stongdu í gjárkvøldið størsta flogvøllin í Ísrael, Ben Gurion, sum mótmæli móti umstríddu nýskipanunum í rættarskipanini.

Mótmælisfólkini bóru ísraelsk fløgg.

Tey forðaðu ferðsluni til og frá flogvøllinum, og mótmæltu eisini inni í komuhøllini. 

Nøkur flogfør vóru seinkað av tiltøkunum.  

Fleiri mótmælisfólk vóru í samanbrestum við løgregluna, og í minsta lagi 37 eru handtikin fyri brot á politiviðtøkurnar.

 

(Mynd: Ritzau Scanpix)

 

Politikarar yvir dómsvaldinum

- Vit eru ímóti einaræði. Vit eru ímóti reglunum, sum ónda stjórnin hjá Netanyahu ætlar at seta í verk, segði Rami Matan, mótmælisfólk, við AP-tíðindastovuna.

Netanyahu og ultranationalistisku og ultraortodoksu stjórnarsamgonguflokkarnir hjá honum arbeiða víðari við ætlanunum um at seta í gildi umstríddu broytingarnar í ísraelsku rættarskipanini, eftir at royndin at gera neyðsemju við andstøðuna miseydnaðist.

Ætlaðu broytingarnar í rættarskipanini fara at styrkja valdið hjá politikarum yvir dómsvaldinum.

Fleiri mótmælisgongur hava seinastu mánaðirnar verið í Ísrael móti nýskipanini, men eisini úti í heimi eru atfinningar móti ætlanunum.

Í mótmælisgonguni á Ben Gurion-flogvøllinum í gjárkvøldið var m.a. fyrrverandi forsætisráðharrin, Ehud Olmert, við.

 

(Mynd: Ritzau Scanpix)

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Nýggjastu sendingar í SV
Leygardag 5. apríl
Sement 2025
190308
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243