Námsfelag í Grønlandi fingið noktandi svar

Grønlendska landsstýrið hevur havnað eini umsókn frá fyritøkunu Greenland Minerals um at fara undir námsvinnu í Kuannersuit-fjallinum.

Tað skrivar grønlendska kringvarpið, KNR.

Greenland Minerals er eitt námsfelag, sum australiarar eiga, og felagið hevur arbeitt við at fáa neyðugu loyvini til vega, men nú altso til fánýtis.

Í Kuannersuit-fjallinum eru fleiri sløg av sjáldsomum málmi, ið vinnan hevur stóran áhuga fyri.

Serliga útlitini til, at tað sum hjávinna skal bera til at fáa geislavirknan uranmálm úr fjallinum, hevur elvt til kjak og stúran fyri bæði natúru og djóra- og menniskjalívi í økinum.