Byggja nýtt hotell í Klaksvík

Tað var eitt samt býráð, ið tók undir við at geva hotellverkætlanini í miðbýnum prinsippielt byggiloyvi. 

Christian í Grótinum, LÍV, Betri, Varðin og íløgufelagið Víkin, ið telur 16 lokal feløg í Norðoyggjum, standa aftan fyri felagið, ið letur hotellið byggja. 

Hotellið, ið skal hava 81 kømur, eina matstovu og fundarsal til 300 fólk, fer væntandi at kosta um 150 milliónir krónur.

Arbeiðið er so smátt longu farið í gongd, og ætlandi kann hotellið takast í brúk í apríl í 2025.