Aron bestur í kongaríkinum

Aron D.Jacobsen vann um vikuskiftið danmarksmeistaraheitið í all around amboðsfimleiki.

Fimleikarin, sum er uppvaksin í Havnar Fimleikafelag, var bestur á gólvi, í beinsveiggj og  íringum. Eisini vann hann silvur í paralell barr og í rekk, skrivar HF á facebook.

Aron D.Jacobsen býr Í Danmark og umboðaði Gefion til DM-kappingina, sum var í Keypmannahavn.

Fimm fimleikarar úr HF vóru við í kappingini fyri vaksin. Tað rakk ikki til heiðursmerki hjá teimum. Hjálmar Allansson Dalsgarð, sum venur við AIG, var eisini við í kappingini.


Bjarki stóð seg væl

Bjarki Johannesen stóð seg væl í kappingini fyri juniorar. Hann vann silvur í rekk, bronsu í beinsveiggi og á gólvi, og hetta gav honum triðja plássið í all around-kappingini. 

Mia Højgaard vann silvur í barr.