ES-lond avmarka korninnflutning úr Ukraina

ES-nevndin avmarkar nú innflutning av korni úr Ukraina til Bulgaria, Ungarn, Póllands, Rumenia og Slovakia.

Avmarkingarnar eru galdandi til 5.juni, og skulu minka avlopið av korni í hesum fimm londunum.

Hesi fimm londini hava kært seg um, at bíliga ukrainska kornið, sum í stórum nøgdum er komið til londini, hevur ávirkað egna framleiðu.

Øll onnur limalond í ES kunnu framvegis innflyta vørur úr Ukraina sum vant, og tey fimm londini kunnu framvegis verða gjøgnumfarsland fyri ukrainskum korni.

ES hevur givið øllum vørum úr Ukraina innflutningsfrælsi sum liður í stuðlinum til landið eftir at Russland gjørdi innrás.