Fimleikalandsliðið tikið út

Føroyska landsliðið í reiðskapsfimleiki, sum skal kappast á fimleikaoyggjaleikum á Álandi í summar, er tikið út

Aron D. Jacobsen er ein av teimum fjúrtan á fimleikalandsliðnum

Mynd: Føroya Fimleikasamband

26.04.2023 - 12:40

Fjúrtan íðkarar eru við í hópinum, sum skal til Álands at kappast á fimleikaoyggjaleikunum í reiðskapsfimleiki í summar.

Tað er greitt eftir úttøkuvenjing um vikuskiftið, skrivar Føroya Fimleikasamband.

Hjá kvinnum er Marin Danielsen, Ronja Johannessen, Gunnvá Mørkøre, Astrid N. Breckmann, Anna Sofía Bjarnastein Højsted og Mia Højgaard úr Havnar Fimleikafelag og Sesilia Biskopstø úr STØKK á liðnum.

Hjá monnum er Aron D. Jacobsen, Hjálmar Dalsgarð, Bjarki Johannessen, Teitur í Hjøllum og Rókur Vestergaard úr Havnar Fimleikafelag og Bjarki í Jákupsstovu og Ari Poulsen úr STØKK við í hópinum.

Kappingin í reiðskapsfimleiki er á Álandi frá 3. til 8. juli.