- Tíðindi, mentan og ítróttur
Finalistarnir í Sement funnir
Finalistarnir í Sement funnir
Síðstu finalistarnir í tónleikakappingini Sement vórðu funnir í triðja og síðsta innleiðandi umfari, sum var í Reinsarínum í Havn í gjárkvøldið.
Benjamin Rajani og Dóttir hava spælt seg í Sement-finaluna saman við Aggrasoppum, Tormóði, Nimbus Tópus og Eimyrju
Mynd: KVF
23.04.2023 - 10:02
Tað gjørdust tónleikabólkarnir, Dóttir og Benjamin Rajani, ið spældu seg í finaluna í kappingini, har tilsamans 17 bólkar eru við í ár.
Seks bólkar spældu í triðja umfari í gjárkvøldið. Tað vóru Danny & Ingi, Skor, Dóttir, Tidal Crush, Hanna Elisa og Benjamin Rajani.
Finalan í Sement verður næsta leygarkvøld, 29. apríl klokkan 20. Hinir bólkarnir í finaluni eru Aggrasoppar, Tormóður, Nimbus Tópus og Eimyrja.
Finalan verður – eins og innleiðandi umførini – send beinleiðis í sjónvarpinum.
Er kopiera
Nýggjastu sendingar í ÚV
