- Tíðindi, mentan og ítróttur
Sí myndirnar: Vøggustovan Stella Maris tikin niður
Sí myndirnar: Vøggustovan Stella Maris tikin niður
Nýggj hádeild í Sankta Frans skúla skal byggjast á økinum, har vøggustovan hevur hildið til síðani 1965
14.03.2023 - 14:39
Í dag var farið at taka Stella Maris vøggustovuna í Havn niður.
Nýggj hádeild í Sankta Frans skúla skal byggjast á økinum, har vøggustovan hevur verið.
Nýggi skúlin skal eftir ætlan verða liðugur til skúlárið 2024/25. Hann verður mettur at kosta 28,5 milliónir kr.
Hoyr innslag í útvarpstíðindunum við Súnu Mørk, forkvinnu í trivnaðarnevndini í Tórshavnar kommunu, um nýggja skúlan:
14032023_Suna_Mork_um_skula
Advokatskrivstova
Tórshavnar kommuna skrivar, at húsini, har Stella Maris vøggustova hevur hildið til, hava í fleiri umførum verið advokatskrivstova og bústaðarhús.
Børge Hustedt Andersen, advokatur, keypti tey 1936, og hann húsaðist har, til hann fór av landinum í 1949.
Vøggustova í 1965
Húsini hava síðani verið brúkt til m.a. kostskúla hjá nonnunum seinast í 50-unum og síðani til millumskúla, áðrenn vøggustova flutti inn.
Søgan um Stella Maris vøggustovuna gongur aftur til 1958, tá nonnurnar settu á stovn fyrstu vøggustovuna í landinum.
Í fyrstani helt vøggustovan til í tveimum skúlastovum á Sankta Frans skúla hinumegin vegin, men í 1965 flutti vøggustovan í betri og rúmligari umstøður í Stella Maris, skrivar Tórshavnar kommuna.
Myndir: Bjarni Árting Rubeksen
|
|
Er kopiera
