Sjómenn fáa eisini pakkar í ár

Hjá sjómanskvinnuringunum byrja jólini fyrr enn hjá teimum flestu.

Jólapakkar teirra eru framvegis kærkomnir, og í 26 ár hevur sjómanstrúboðarin, Torleif Johannesen, havt gleðina - sum hann sigur - at fara umborð við pakkunum.

Sjómanskvinnuringurin í Klaksvík fyllir 60 ár í januar mánað, og kvinnurnar har hava í ár pakkað 250 jólapakkar til sjófólk okkara.