SAS avlýst ella útsett 25 ferðir í ár

SAS avlýst ella útsett 25 ferðir í ár
Vantandi atgongd til RNP-skipan ger, at SAS-flogfarið fær ikki sett seg í Vágum, tá mjørki er.
12.07.2018 - 20:16

25 ferðir er ferðin antin avlýst ella útsett sambært Miðlastjóranum hjá SAS, Mariam Skovfoged.

Vága Floghavn vil hvørki vátta ella avsanna tølini. Stjórin í Vága Floghavn, Gudny Langgaard, sigur seg ikki vilja lata hagtøl um kundar, og hon vil heldur ikki gera fleiri viðmerkingar.

Fleiri eru komin illa fyri seinastu vikuna, tí SAS ikki hevur flogið sum ætlað. Eitt nú tá SAS vegna mjørka mátti avlýsa flogferðina, sum B36-liðið skuldi við, tá teir skuldu til Gibraltar at spæla Evropa Leauge-dyst síðst í juni. 

Flogfelagið SAS viðurkennir, at tað er ikki nóg gott, at tey noyðast at avlýsa ella útseta ferðir til Føroya, tí flogfarið fær ikki sett seg, tá mjørki er í Vágum.

Høvuðsorsøkin er, at SAS bíðar eftir, at Trafikstyrelsen skal geva flogfarinum atgongd til RNP-skipanina. Ein skipan, sum kappingarneytin hjá SAS, Atlantic Airways, brúkar í innflúgvingini til Føroyar. 

Vága Floghavn hevur goldið fyri skipanina, og Atlantsflog hevur keypt sína egnu. SAS hevur tó ikki fingið atgongd til skipanina hjá Vága Floghavn enn.

Tað eydnaðist ikki at fáa viðmerking frá Trafikstyrelsen í dag.

Gev gætur: Í innslagnum verður sagt, at SAS hevur flogið 600 ferðir til og úr Føroyum í ár. Talið, sum Kringvarpið fekk upplýst frá SAS, er ikki rætt. Rættað talið er okkurt um 300.

 
Er kopiera
Nýggjastu sendingar í ÚV
Týsdag 25. februar
Breddin: Trý ár við kríggi
188252
Týsdag 25. februar
Góðan morgun Føroyar
188242
Týsdag 25. februar
Morgunlestur týsdagur 25. februar 2025
187864
Mánadag 24. februar
Leon Sólheyg: Koyggjan var uppihaldsrúmið
188223
Mánadag 24. februar
Nú styttist av álvara til kappingarbyrjan
188212
Nýggjastu sendingar í SV
Týsdag 25. februar
Danny og bussførari
187889
Sunnudag 23. februar
Guðstænasta úr Norðskála kirkju
188168
Sunnudag 23. februar
Steypafinalan: H71 - VÍF
188164
Sunnudag 23. februar
3-2
188163
Leygardag 22. februar
Steypafinalan hjá kvinnum: Neistin - Kyndil
188160