Vit gita – umaftur: Árni byrjar

Tað er í kvøld klokkan 19.45, at føroyska manslandsliðið í fótbólti skal spæla sín fyrsta landsdyst í HM 2026 undankappingini. Dysturin verður á nýggja Malšovická leikvøllinum, sum liggur í býnum Hradec Králové, nakað uttan fyri Prag.

Hóskvøldið gittu vit á KVF.fo, at føroyska liðið fór at byrja soleiðis (5-4-1): Mattias H. Lamhauge – Jóannes K. Danielsen, Odmar Færø, Gunnar Vatnhamar, Andrias Edmundsson, Viljormur Davidsen – Hanus Sørensen, Hallur Hansson, Brandur Hendriksson, René Shaki Joensen – Páll A. Klettskarð

Longu til venjingina í gjár var greitt, at nøkur nøvn vóru skeiv og í dag sigur okkara informatión, at Jann Benjaminsen, Árni Frederiksberg og Petur Knudsen verða við frá byrjan, meðan Jóannes K. Danielsen, Réne Shaki Joensen og Páll A. Klettskarð byrja á bonkinum.

Vit gita - umaftur: (Føroyar 5-4-1)

Mattias H. Lamhauge – Jann Benjaminsen, Odmar Færø, Gunnar Vatnhamar, Andrias Edmundsson, Viljormur Davidsen – Árni Frederiksberg, Hallur Hansson, Brandur Hendriksson, Hanus Sørensen – Petur Knudsen

Sjónvarpið hjá Kringvarpinum vísur HM-undankappingardystin millum Kekkia og Føroyar, sum verður í klokkan 19.45. Kringvarpið byrjar at senda frá klokkan 19 við upptakt og innsløgum.