FMA 2025: "Ævir, amen" hjá GØ er ársins serútgáva

"Ævir, amen" hjá frambrúsandi jazzbólkinum GØ er ársins serútgáva. 

Tað er kunngjørt á árliga FMA-tiltaki, sum í ár er í Varpinum í Klaksvík. 

Hinar útgávurnar, ið vóru tilnevndar til ársins serútgávu, vóru:

• Tjant - "Ógreiða"
• GØ - "Ævir, amen"
• Flytifólk - "Flytifólk"
• Sunleif L. Rasmussen - "Regin Smiður"
• Jósef Zachariassen - "Fugloy"

Útvendur og viðkomandi jazzbólkur

Hóast GØ er ein jazzbólkur, so megnar bólkurin at hugsa áhoyrararnar inn í sín spennandi jazzuta alheim. 

Bólkurin er meira útvendur, hugfarsligur og skemtiligur enn jazzbólkar flestir, ið hava lyndi til at fara inn í eina boblu fyri seg sjálvan.

Sangheiti sum "Ivi á Tinganesi", "Loysing í dós" og "VinstraHøgra" bera vitnisburð um hetta. 

Hetta ger GØ meira viðkomandi fyri áhoyrararnar.

Jazzur við poppkrókum

Og so hevur GØ nógv løg, ið hava góðar popp-krókar innbygdar, sum eisini geva bólkinum og tónleikinum atdráttarmegi. 

Útgávukonsertin hjá GØ í OY í sambandi við Vetrarjazz var ein yvirflóð frá byrjan til endan.

Ein yvirflóð av talenti, tí á pallinum vóru teir flestu av okkara allarbestu ungu tónleikarum. Ein yvirflóð av sterkum løgum og útsetingum. Og ein yvirflóð av tónum. 

Góvu LEITISSTEIN gø

Í sambandi við útgávuna av "Ævir, amen", vóru tveir av oddamonnunum í GØ, Ólavur Gaard og Kristian Pauli Ellefsen, gestir í LEITISSTEIN, har teir greiddu frá um plátuna, sum bleiv spæld úr enda í annan. 

Teir báðir greiddu frá, at tað var tilvitað, at teir royndu at ansa eftir, at teir ikki fóru ov nógv inn í seg sjálvar at spæla, sum ofta er ein avbjóðing hjá jazzbólkum. 

Leitisstein, GØ

Sendingin kann hoyrast inni á KVF Ljóð og her niðanfyri.