PostNord gevst at bera brøv

PostNord hevur í dag boðað frá, at felagið frá ársskiftinum heilt gevst at bera brøv út.

PostNord er tað gamla danska Post Danmark, sum í 2009 kastaði saman saman við svenska postverkinum, og partaeigararnir í felagnum eru svenski staturin, sum eigur 60 prosent av partapeninginum, og danski staturin, sum eigur 40 prosent.

Svensk-danska postfyritøkan boðaði frá avgerðini í tíðindaskrivi og á heimasíðu síni, har greitt verður frá grundgevingini. Og har verður eisini greitt frá, at felagið í framtíðini fer at leggja dent á at gerast fremsti veitarin av pakkum í Danmark.

PostNord

(Mynd: Ritzau Scanpix)

Danmark er eitt av heimsins mest talgildu londum, og tað hevur havt við sær at eina stóra afturgongd í talinum av brøvum. Bara hetta seinsta árið er nøgdin minkað 30 prosent, og verður samanborið við nøgdina av brøvum í 2000, er talið minkað 90 prosent, skrivar felagið.

Broytingin hevur stórar avleiðingar við sær fyri starvsfólkini, tí sambært felagnum missa 1.500 fólk starvið, tá útberingin av brøvum heldur uppat.