Broyting í fótbóltslógini

Limirnir í altjóða fótbóltssambandinum IFAB samtyktu leygardagin á ársfundinum, sum var í Belfast í Norðurírlandi, at broyta lógina. Broytingin hevur við sær, at málverjan bert kann halda bóltinum í átta sekund, og dómarin telur niður seinastu fimm sekundini við hondini hjá sær.

- Broytingin er, at hevur málverjin bóltin ov leingi, og dómarin hevur gjørt vart við hetta, so verður hornaspark dømt til mótstøðuliðið.
Nú verðandi skipan er, at óbeinleiðis fríspark verður dømt, um málverjin heldur bóltinum í meira enn seks sekund, skrivar IFAB.

Broytingin kemur í gildi 1. juli ár, men í Føroyum plaga broytingar í fótbóltslógum ikki at koma í gildi mitt í einum kappingarári, og tí kemur broytingin í gildi í Føroyum næsta kappingarár.