27 russisk fiskiloyvi í Føroyum

27 russisk fiskiskip hava loyvi til at fiska í føroyskum sjógvi í ár sæst í yvirliti hjá Vørn.

Russisku kvoturnar eru 75.000 tons av svartkjafti, 12.291 tons av makreli og 6.485 tons av sild.

Russisk skip sleppa eisini at fiska 55.618 tons av svartkjaftakvotuni, sum russisk skip hava í altjóða sjógvi, í føroyskum sjógvi.

Men tey sleppa ikki í serøkið millum Føroyar og Bretland.

Russisku skipini hava fiskað 113.300 tons av svartkjafti, 2.300 tons av sild og 9.225 tons av makreli í føroyskum sjógv í ár sambært fráboðanum til Vørn.

Frá 1. januar til og við 31. mars kunnu 20 russisk skip fiska her.

Frá 1. apríl til og við 31. oktober 29 skip, og frá 1. november til og við 31. desember kunnu 28 russisk skip fiska í føroyskum sjógvi.