- Tíðindi, mentan og ítróttur
Handtikin fyri ætlanir um yvirgang á forsetavalinum í USA
Handtikin fyri ætlanir um yvirgang á forsetavalinum í USA
Samskifti vísir, at maðurin hevur tilknýti til Islamskan Stat
Afganski maðurin, sum samveldisløgreglan hevur tikið, ætlaði at fremja yvirgang á sjálvum valdegnum 5. november.
09.10.2024 - 08:20
Ein 27-ára gamal afganskur maður er handtikin í amerikanska statinum Oklahoma, undir illgruna fyri at vilja fremja yvirgang á valdegnum.
Amerikanska samveldisløgreglan, FBI, handtók mannin, sum eftir øllum at døma var farin undir at fyrireika eina yvirgangsatsókn fyri yvirgangsbólkin Islamskan Stat.
Tað upplýsir amerikanska løgmálaráðið í tíðindaskrivi.
Raka stórar mannamúgvur
Sambært ákæranum skuldi yvirgangsatsóknin vera á amerikanska valdegnum 5. november og raka stórar mannamúgvur.
Helst er yvirgangsatsóknin avdúkað, tí maðurin hevði bílagt AK-47 maskinbyrsur.
Sum liður í kanningararbeiðnum, fann samveldisløgreglan eisini samskifti millum mannin og fólk, sum hevur tilknýti til Islamskan Stat.
Er kopiera
Nýggjastu sendingar í ÚV
Nýggjastu sendingar í SV
