Viðmerkjari: Fyrsta kjakið flutti ikki veljarar

Evnini í politisku hólmgonguni millum Donad Trump og Kamalu Harris vóru m.a. fosturtøka, migratión og kriminalitetur

Donald Trump og Kamala Harris í politisku hólmgonguni í nátt.

Mynd: AFP/Ritzau Scanpix

11.09.2024 - 11:02

Fyrsta politiska hólmgongan millum tey bæði forsetavalevnini í USA, Kamala Harris hjá demokratunum og Donald Trump hjá republikanarunum, var á amerikansku sjónvarpsrásini ABC í nátt, okkara tíð.

Millum evnini vóru fosturtøka, migratión og kriminalitetur, og alt orðaskiftið ígjøgnum legði Trump eftir Harris fyri tað, hon hevði gjørt og ikki gjørt sum varaforseti síðani 2020.

- Hetta er sama gamla sjabbið, svaraði Harris aftur og undraðist á, hví Trump ikki heldur vildi tosa um framtíðina.

Tóri Højgaard, sum fylgir væl við í amerikanskum politikki, væntar ikki, at sjónvarpskjakið í nátt flutti nakrar veljarar. Hann var gestur hjá Rúna Jákupssyni í morgunsendingini:

11092024_Tori_um_holmgongu

Tóri Højgaard, 16:9

Frítekst tagging:

Tóri Højgaard

Tóri Højgaard. (Mynd: Bjarni Árting Rubeksen)

Tá ið Donald Trump og Joe Biden í junimánaði vóru í einum tilsvarandi orðaskifti í amerikanskum sjónvarpi, vístu tølini nøkulunda øvugtan veg, og stutt eftir tók Biden seg aftur sum forsetavalevni.