Merktu tríggjar grindahvalir í Fuglafirði

Hóast grindaboðini í Djúpunum vóru avblást í gjár, vóru nakrir hvalir kortini riknir inn á sandin í Fuglafirði eftir umbøn frá Bjarna Mikkelsen, lívfrøðingi á Havstovuni, sum vildi merkja nakrar hval.

Tað tók umleið 40 minuttir at merkja teir tríggjar hvalirnar.

Bjarni Mikkelsen sigur, at har vóru nøkur hvalaveiðumótmælisfólk á sandinum, tá hvalirnir vórðu riknir inn, og tey komu eisini út at filma, meðan hvalirnir vórðu merktir.

Men tað darvaði ikki arbeiðið.

Hoyr innslag í útvarpstíðindunum: