Joe Biden fingið koronu

Amerikanski forsetin, Joe Biden, hevur fingið koronu.

Tað verður upplýst í tíðindaskrivi úr Hvítu Húsunum.

81 ára gamli forsetin hevur veik sjúkueyðkenni við snori og hosta, og er illa heitin.

Forsetin fer í avbyrging, og fer at taka sær av starvi sínum við hús í Delaware.

- Eg fari í sóttarhald, meðan eg komi fyri meg, og fari hesa tíðina at halda fram at arbeiða fyri amerikanska fólkið, skriar Joe Biden á sosiala miðlinum X.

Røða avlýst

Joe Biden skuldi havt hildið røðu á einum tiltaki í Las Vegas í kvøld, men tað varð avlýst.

Hann hevði vitjað millum annað á einari matstovu, men kendi seg ikki heilt væl.

- Av tí at hann ikki batnaði, var hann kannaður, og úrslitið vísti, at hann hevði koronu, stendur i tíðindaskrivinum.

Joe Biden er koppsettur fyri koronu, og hevur nú fingið Paxlovid, sum skuldi minkað um vandan fyri álvarsligari sjúku hjá fólki, sum eru í øktum vanda.

Joe Biden hevur áður havt koronu, seinast í 2022.