Frítekst tagging:
- Tíðindi, mentan og ítróttur
Margit við Sophie: Føroyar ætla at yvirtaka landslæknaembætið
Margit við Sophie: Føroyar ætla at yvirtaka landslæknaembætið
Arbeitt verður við at yvirtaka landslæknaembætið, vóru boðini frá Margit Stóra, landsstýriskvinnu í heilsumálum, til danska heilsumálaráðharran, Sophie Løhde
Sophie Løhde, danskur heilsumálaráðharri, og Margit Stórá, landsstýriskvinna í heilsumálum
Mynd: hmr.fo
21.02.2024 - 07:51
Um danska stjórnin ikki longu visti tað, so veit hon tað nú.
Føroyar ætla at yvirtaka landslæknan.
Tá Margit Stórá, landsstýriskvinna, og Sophie Løhde, innlendis- og heilsumálaráðharri, hittust í Havn mánadagin, segði fekk Sophie Løhde at vita, at ætlanin er at fara undir fyrireikingar at yvirtaka landslæknaembætið.
Tær báðar tosaðu eisini um PKU-kortini, sum øll skulu til Føroya. Tey fyrstu eru longu komin.
Tær vóru eisini samdar um at arbeiða viðari við sjúkraflutningi í sambandi við álvarsligar smittur, at útbúgva serlæknar í Sjúkrahúsverkinum í Føroyum og veita verndarútgerð í sambandi við tilbúgvingar.
Eftir fundin í Heilsumálaráðnum skipaði Sjúkrahúsverkið fyri rundsýning í H-bygninginum á Landssjúkrahúsinum, har Sophie Løhde fekk høvi at síggja nýggja framkomna sjúkrahúsbygningin.
Seinnapartin vitjaðu Sophie Løhde og Margit Stórá framleiðsluna hjá Apoteksverkinum.
Landsapotekarin greiddi frá, hvussu Apoteksverkið í Føroyum er skipað, og hevði eina rundvísing fyri teimum í framleiðsluni.
Er kopiera
Nýggjastu sendingar í ÚV
