- Tíðindi, mentan og ítróttur
Danmark, nei takk
Danmark, nei takk
Tað kemur ikki upp á tal hjá føroysku hondbóltslandsliðsmonnunum at spæla OL fyri Danmark, sjálvt um reglurnar loyva tí. Tað sigur Elias Ellefsen á Skipagøtu við danska TV 2
Tað kemur ikki upp á tal at umboða annað land enn Føroyar, sigur Elias Ellefsen á Skipagøtu
Mynd: Axel Heimken / kolektiff
18.01.2024 - 12:38
Føroysku hondbóltslandsliðini sleppa ikki at spæla um olympisku heiðursmerkini.
Altjóða olympiska nevndin, IOC, loyvir ikki hesum, sum er.
Reglurnar høvdu kortini loyvt Eliasi Ellefsen á Skipagøtu, Hákuni West av Teigum og hinum at umboða Danmark til OL.
Til tað krevst 'bert' ein landsliðskarantena í 36 mánaðir, skrivar danska TV 2.
Tað kemur ikki upp á tal, sigur Elias Ellefsen á Skipagøtu við donsku rásina.
- Hetta er ein spurningur, sum vit eru troyttir av at svara. Eingin okkara fer at skifta til Danmark, tað lovi eg. Vit eru føroyingar, og tað vilja vit framvegis vera.
- Vit spæla ikki fyri nakað annað land, eingin kjansur, staðfestir føroyski spælskiparin, sambært TV 2.
Er kopiera
Nýggjastu sendingar í ÚV
