Valdekningurin í Kringvarpi Føroya byrjar í morgin

Valfepurin hækkar alsamt, og valdekningurin í Kringvarpi Føroya fer av bakkastokki í morgin. 

Byrjað verður við Andglettinum, sum verður sendur í útvarpinum klokkan 10 og eisini stroymdur á heimasíðuni og at síggja í sjónvarpinum.

Myndir: Bjarni Árting Rubeksen

Høgni Hoydal, tíðindafundur, Tjóðveldi

Tveir vertir tráspyrja tvey valevni hvørja ferð.

Fyrsti flokkur í Andglettinum er Framsókn.

Framsókn, Fólkatingsvalið 2022

Veljarafundir kring landið

Umframt Andglettin, so fer Kringvarpið eisini kring landið at halda veljarafundir. 

Valdekningurin verður skipaður soleiðis, at aðru hvørja ferð er tað Andglettur og aðru hvørja ferð veljarafundur.

Fólkatingsvalið 2022, fólkaflokkurin

Veljarafundirnir byrja í SMS nú fríggjadagin 14. oktober. Síðan verður farið út á miðnámsskúlarnar.

Veljarafundirnir byrja klokkan 10 í útvarpinum, og teir verða eisini stroymdir eins og Andgletturin.

Fólkatingsvalið 2022, valplakatir, 16:9

Stóri veljarafundurin í Løkshøll

Sunnukvøldið 30. oktober, ein dag undan valinum, verður stórur veljarafundur í Løkshøll. Hetta er ein størri sjónvarpsframleiða, har fleiri valevni sleppa framat. Tann fundurin varar í umleið tveir tímar og verður sendur beinleiðis í sjónvarpinum.

Jenis av Rana, Fólkatingsvalið 2022

Tann stóri dagurin er mánadagurin 31. oktober, valdagurin. Tá fylgja vit við í sjónvarpsstovuni, har vit hava tveir vertir og viðmerkjara. Vit fara eisini at gera innsløg kring landið. Vit halda á, til valúrslitið fyriliggur.

val_19_andglettur_folkatingsval.png

Skráin fyri valdekningin í Kringvarpi Føroya:

• Hósdag 13. oktober: Framsókn í Andglettinum
• Fríggjadag 14. oktober: Veljarafundur, SMS í Havn
   
• Mánadag 17. oktober: Javnaðarflokkurin í Andglettinum
• Týsdag 18. oktober: Veljarafundur, Miðnám í Suðri
• Mikudag 19. oktober: Fólkaflokkurin í Andglettinum
• Hósdag 20. oktober: Veljarafundur, Miðnám á Kambsdali
• Fríggjadag 21. oktober: Tjóðveldi í Andglettinum
   
• Mánadag 24. oktober: Veljarafundur, Miðnám í Vestmanna
• Týsdag 25. oktober: Miðflokkurin í Andglettinum
• Mikudag 26. oktober: Veljarafundur, Tekniski Skúli í Klaksvík
• Hósdag 27. oktober: Sambandsflokkurin í Andglettinum
• Fríggjadag 28. oktober: Veljarafundur, Glasir í Havn
   
• Sunnudagur 30. oktober: Stórur veljarafundur í Løkshøll í Runavík.
• Mánadagur 31. oktober: Fólkatingsval í Føroyum