200.000 kr. aftrat til at telja fugl

200.000 kr. aftrat til at telja fugl
Ein fuglafrøðingur er á Fuglakanningarstøðini, sum kannar sjófuglameingið í Føroyum
Fremsta uppgávan hjá støðini er at kanna sjófuglameingið í Føroyum og kanna sambandið millum sjófugl og vistskipanir í havinum.
 
03.10.2022 - 08:50

Fleiri pengar vera til at telja fugl næsta ár. 

200.000 kr. vera játtaðar aftrat til Fuglakanningarstøðina í uppskotinum um fíggjarlóg fyri næsta ár, so játtanin fer upp í 948.000 kr.

Tær 200.000 krónurnar skulu brúkast til at betra um trygdina hjá fuglafrøðinginum. 

Ein fuglafrøðingur er á Fuglakanningarstøðini.

Fremsta uppgávan hjá støðini er at kanna sjófuglameingið í Føroyum og kanna sambandið millum sjófugl og vistskipanir í havinum.

 

Játtanin til upplýsing um grind hækkar 100.000 kr.

 

Fiskivinnuroyndir og grind

Fiskivinnuroyndir fáa eina millión aftrat, so játtanin fer upp í fimm milliónir krónur. 

Og játtanin til upplýsing um grind hækkar 100.000 krónum og verður næsta ár 170.000 krónur. 

Pengarnir skulu brúkast til at gera upplýsandi tilfar um grind og arbeiðið hjá NAMMCO, sum er nevndin fyri samstarv um vernd, umsiting og gransking av havsúgdjórum í Norðuratlantshavi.

Teir skulu eisini brúkast til at betra um grindarakstur og drápshátt og til verkætlan hjá NAMMCO at menna nýggjar fylgisveinasendarar til hval.

Er kopiera
Nýggjastu sendingar í ÚV
Nýggjastu sendingar í SV
Leygardag 15. mars
Dagur og vika - teknmálstulkað
189238
Fríggjadag 14. mars
Veðrið
189226
Fríggjadag 14. mars
Dagur og vika - teknmálstulkað
189208
Hósdag 13. mars
Always Outnumbered, Never Outgunned
189170
Mikudag 12. mars
Hondbóltur: Føroyar - Holland
189119