Avgerðin er ikki politiskt kjølfest

Avgerðin um at skerja virksemið hjá Sernámi á dagstovnaøkinum er ikki kjølfest politiskt. 

Landsstýrismaðurin var ikki kunnaður og hevur ikki góðtikið ætlaðu tillagingarnar hjá Sernámi.

Uttanríkis- og Mentamálaráðið var kunnað, eftir at avgerðin var tikin og send út sum teldupostur til dagstovnar og dagrøktir í Føroyum.

Tað sigur Jenis av Rana, landsstýrismaður, í svari til Rósu Samuelsen, løgtingskvinnu.

Rósa Samuelsen

Rósa Samuelsen, løgtingskvinna, spurdi landsstýrismannin um skerjingar á Sernámi. (Mynd: Bjarni Árting Rubeksen)

Spurnarkanning

Sernám hevur skert virksemið, tí Sernám hevur ikki nóg nógv starvsfólk. 

Jenis av Rana sigur, at hann ætlar at fáa eina betri sernámsfrøðiliga tænastu til børn og ung.

Í fyrsta umfari verður kannað, hvussu sernámsfrøðiligu tænasturnar eru í fólkaskúlanum.  

Í hesum sambandi hevur Jenis av Rana tikið stig til eina spurnarkanning um økið.