Nógv fleiri biðja um hjálp frá Reyða Krossi

Nógv fleiri biðja nú Reyða Kross um hjálp.

Samanborið við september í fjør, er vøksturin umleið 65 prosent higartil í september, og hann verður helst størri síðst í mánaðinum.

Hoyr innslag í útvarpstíðindunum:

Á Herberginum í Havn er gongdin tann sama. Tey hava fingið 50 prosent fleiri umbønir um hjálp henda mánaðin samanborið við september í fjør.

Tanya Møller, sum hevur Facebook-bólkin "Yvirskot til tín," sigur í viðmerking við Kringvarpið, at eisini hon merkir størri eftirspurning um hjálp.

Seinastu dagarnar hevur bólkurin fingið 14 umbønir um hjálp.

Í bólkinum "Yvirskot til tín" verða tey, sum hava tørv á hjálp, sett í samband við tey, sum veita hjálp.