Liz Truss gekk einaferð mótmælisgongu móti Thatcher

Næsti forsætisráðharrin í Stórabretlandi, Liz Truss, hevur eina fortíð sum Liberalur demokratur, ið nú hevur lovað at føra Stórabretland aftur til grundleggjandi konservativ virðir.

Liz Truss ætlar sær at lækka skattin og minka almennu umsitingina, og tað er júst tað, ið limirnir í Konservativa flokkinum, sum hava valt hana til forkvinnu, vilja hoyra. 

Liz Truss

Liz Truss var, í sínum embæti sum uttanríkisráðharri, trúgv móti Boris Johnson. Og í síni takkartalu var Truss skjót at rósa Borisi Johnson fyri hansara tíð sum forsætisráðharri. 

Øll, sum kenna nýggju forkvinnuna í Konservativa flokkinum, lýsa hana sum framsøkna. 

Liz Truss

Fakta um Liz Truss
Aldur: 47
Føðistaður: Oxford
Heim: London og Norfolk
Útbúgving: Roundhay School in Leeds, Oxford University
Familjustøða: Gift við Hugh O'Leary, ið er grannskoðari, og saman hava tey tvær døtur í tannárinum
Valdømi: South West Norfolk

Liz Truss

Liz Trauss er fødd í 1975, og foreldrini, ið eru ávikavist professari í støddfrøði og sjúkrasystir, lýsa hana sum vinstrahalla. 

Tá ið hon var smágenta var Liz Trauss við mammuni til mótmælisgongur fyri avvápning av kjarnorkuvápnum. Hetta hendi eftir, at stjórnin hjá Thatcher hevði givið loyvi til, at USA goymdi kjarnorkuspreingihøvd á bretsku herstøðini RAF Greenham Common vestanfyri London. 

Liz Truss

Hóast Liz Trauss nú er ein errin limur av Konservativa flokkinum frá Leeds, so var hon tá ein frælslyntur skoti. 

Familjan flutti nevndiliga til Paisley, vestanfyri Glasgow, tá Liz Truss var fýra ára gomul. 

Seinni flutti Truss-familjan til Leeds, har hon gekk í Roundhoy-skúlanum. 

Liz Truss