Nýggj lendisgøta við Norðaravatn í Skopun

Arbeitt verður við lendisgøtu við Norðaravatn í Skopun. Verkætlanin er partur av átakinum "Closed for Maintenence".

Arbeiðið byrjaði í dag og heldur á fram til leygardagin. Trettan luttakarar eru við í verkætlanini við Norðaravatn.

Tað er Visit Faroe Islands, sum stendur fyri átakinum saman við kunningarstovum og kommunum í landinum.

Átakið, sum byrjaði í 2019, skipar fyri níggju verkætlanum kring landið í ár.

- Eg síggi hetta sum eitt høvi at leggja lunnar undir eina meira burðardygga ferðavinnu í Føroyum, sigur John Lacey úr Kanada, sum er við í arbeiðinum við Norðaravatn.

nordurvatn-2.jpg

John Lacey úr Kanada er komin til Føroya saman við dóttrini og soninum at taka lut í verkætlanini (Mynd: Bárður Lydersen)

- Verkætlanin er eitt gott dømi um samstarv millum kommunu, bøndur og Visit Faroe Islands, heldur Anelia Philbrow, sum er búsitandi á Toftum.

nordurvatn-5.jpg

Anelia Philbrow hevur tikið lut í átakinum "Closed for Maintenence", síðan átakið byrjaði í 2019 (Mynd: Bárður Lydersen)
 

- Við lendisgøtum sum hesari kunnu við leiðbeina ferðafólk og tryggja, at viðbrekna náttúran ikki verður oyðiløgd, sigur Louise Wittwer, luttakari í verkætlanini.
 

nordurvatn-3.jpg

Louise Wittwer, luttakari, hevur búð í Føroyum í eitt hálvt ár (Mynd: Bárður Lydersen)

nordurvatn-1.jpg

Til verkætlanina við Norðaravatn í Skopun eru tey trettan í tali (Mynd: Bárður Lydersen)

nordurvatn-1.jpg

Vit hittu luttakararnar í Skopun í dag (Mynd: Bárður Lydersen)

Hoyr tey greiða frá innslagi í útvarpstíðindunum her: