Audi fer at luttaka í Formil 1

Audi fer at luttaka í Formil 1
Frá 2026 fer týski bilframleiðarin Audi at veita motrara til eitt Formil 1-lið
Umhvørviskrøvini, ið verða nógv herd í Formil 1 næstu árini, er orsøkin til, at Audi nú fer at luttak í F1
Mynd: Stephane Mahe/Reuters/Ritzau/Scanpix  
 
26.08.2022 - 13:25

Í dag kunngjørdi týski bilframleiðarin Audi, at Audi hevur ætlanir um at gerast veitari av motorum til eitt lið í Formel 1 í 2026. 

Hetta hendi í sambandi við ein tíðindafund á belgiska Spa-kappkoyringarbreytini, har tað um vikuskiftið verður Formil 1-kappkoyring.

Tað er fyrstu ferð nakrantíð, at Audi luttekur í F1. 

Enn er ikki greitt, hvat lið fær gleði av Audi-motorunum. Tað verður ikki almannakunngjørt fyri enn við ársenda. 

"Kappkoyring er ein partur av grundvøllinum undir Audi. Formil 1 er bæði ein heimsumfatandi pallur fyri okkara vørumerki, men eisini ein góð avbjóðing fyri okkara menningarstovur," sigur Markus Duesmann, sum er nevndarformaður í Audi. 

F1-motorurin verður mentur og bygdur á Audi-verksmiðjuni í Neuburg, sum liggur nærhendis Inglostadt í Týsklandi. 

Tað eru serliga nýggju umhvørviskrøvini, sum verða sett í gildi í F1 næstu árini, ið hevur gjørt, at Audi nú fer inn í heimsins fremsta motorítrótt. 

Broytingarnar fara at merkja, at F1-motorarnir frá 2026 skulu vera minst 50 prosent el-riknir. 

Samstundis skal brennievnið, ið verður brúkt í F1-motorunum vera 100 prosent burðardygt. 

Í F1-umhvørvinum verður væntað, at tað verður Alfa Romeo-liðið, sum fer at samstarva við Audi um motorarnar. Í løtuni koyrir Alfa Romeo, sum kallaðist Sauber, við motorum frá Ferrari. 
 

Er kopiera
Nýggjastu sendingar í ÚV
Mikudag 16. oktober
Mono - Tórður Jophannesarson - 2. sending
182164
Mikudag 16. oktober
Góðan morgun Føroyar
182136
Mikudag 16. oktober
LEITISSTEIN 15.10.2024
182135
Nýggjastu sendingar í SV
Týsdag 15. oktober
Veðrið - teknmálstulkað
182120
Týsdag 15. oktober
Dagur og vika - teknmálstulkað
182119
Týsdag 15. oktober
Veðrið
182112
Týsdag 15. oktober
Fletta í Kongsstovu
182110
Týsdag 15. oktober
Hvør býr her? (3:4)
180907