Átta valevni í fyrstu atkvøðugreiðsluni

Átta valevni í fyrstu atkvøðugreiðsluni
Fyrsta atkvøðugreiðslan í tilgongdini at finna ein nýggjan formann til Konservativa flokkin í Bretlandi og harvið eisini næsta bretska forsætisráðharran verður í dag.
Penny Mordaunt vil vera forkvinna fyri Konservativa flokkin og næsti forsætisráðharrin í Bretlandi.
Mynd: Henry Nicholls/Reuters/Ritzau Scanpix  
 
13.07.2022 - 12:18

Tilgongdin at finna nýggjan formann fyri konservativa flokkinum í Bretlandi og sostatt næsta bretska forsætisráðharran, byrjar av álvara í dag, tá ið fyrsta umfar verður hildið í atkvøðugreiðsluni. 

Átta valevni luttaka í fyrstu atkvøðugreiðsluni. Hesi hava longu tryggjað sær tryggjað sær undirskriftir frá 20 tinglimum hvør. Fyri at koma víðari til næsta umfar skal eitt valevni fáa 30 atkvøður. 

Allir 358 tinglimir hjá flokkinum hava atkvøðurætt til fyrstu umførini. Men sjálvt valið er loyniligt.

Endamálið við undanumførunum er at avmarka talið av valevum til tvey. 

Tá tað er gjørt, skulu teir 160.000 limirnir í Konservativa flokkinum velja, hvør skal leiða flokkin.

Tey trý valevnini, sum verða mett at hava størstu undirtøkuna, eru fyrrverandi fíggjarmálaráðharrin, Rishi Sunak, uttanríkisráðharrin, Liz Truss, og samhandilsráðharrin, Penny Mordaunt. 

Maðurin, sum tey átta vilja avloysa, Boris Johnson, hevur higartil sýtt fyri at nevna, hvør hann heldur skal taka yvir formanssessin. 

Atkvøðugreiðslan byrjar klokkan hálvgum tvey í dag. Úrslitið verður væntandi greitt um fimm tíðina.

Er kopiera
Nýggjastu sendingar í ÚV
Hósdag 17. apríl
Jesu líðingarsøga - Skírisdagur
190847
Hósdag 17. apríl
Áður enn eg ljósið sá
190844
Mikudag 16. apríl
Mono - Passions Just LIke Mine (5:5)
190823
Mikudag 16. apríl
LEITISSTEIN 15.04.25
190811
Nýggjastu sendingar í SV
Hósdag 17. apríl
Guðstænasta
190846
Hósdag 17. apríl
Guðstænasta úr Miðvágs kirkju
190835
Týsdag 15. apríl
Veðrið
190770
Týsdag 15. apríl
Dagur og vika
190805
Leygardag 12. apríl
Sement 2025: 2.umfar (2:3)
190653