Freistast at seta námsfrøðingar heldur enn lærarar

Skipanin við sernámsfrøðiligum stuðlum undirgrevur lærarar, tí skúlar freistast til at seta námsfrøðingar heldur enn lærarar, tí tað er bíligari.

Lærarafelagið góðtekur ikki hesa gongdina, sigur formaðurin í Lærarafelagnum, Jacob Eli S. Olsen.

Hann segði hetta í formansfrágreiðingini á aðalfundinum hjá Lærarafelagnum, og nú viðger Skúlablaðið málið. 

Námsfrøðingurin bíligari

Lærarafelagið vil vera við, at fleiri námsfrøðingar vera settir í starv í fólkaskúlanum, enn tørvurin á sernámsfrøðiligum stuðlum er. 

Tað er freistandi hjá skúlum at seta ein námsfrøðing í starv heldur enn ein lærara, tí námsfrøðingurin kann setast við  setanarbrotinum 0,7, og tá blívur hann triðingin bíligari enn lærarin, sigur Lærarafelagið.

Pedagogfelagið og námsfrøðingar eru sakleys í hesum, sigur Lærarafelagið.

Námsfrøðingar søkja bara eitt leyst starv. 

Skúlanæmingar

Fleiri námsfrøðingar vera settir í starv í fólkaskúlanum, enn tørvurin á sernámsfrøðiligum stuðlum er, sigur Lærarafelagið. (Savnsmynd)

Royna at fáa greiði á málinum 

Tað eru tey, sum velja, hvørji størv skúlin søkir, sum eiga avgerðina, sigur formaðurin í Lærarafelagnum.

Lærarafelagið roynir saman við Pedagogfelagnum at fáa greiði á hesum.

Heimildin at seta námsfrøðingar í fast starv í fólkaskúlanum er í kunngerðini frá 2019 um serundirvísing, sernámsfrøðilig átøk og sernámsfrøðiligan stuðul.