Ukrainskar deildir í Mariupol vilja ikki geva seg yvir

bannari
Ukrainskar deildir í Mariupol vilja ikki geva seg yvir
Ukrainski forsetin sigur samstundis, at Ukraina fer ikki at lata eystara part av landinum frá sær
Russiskar deildir hava kringsett Mariupol, men ukrainski herurin sýtir fyri at geva seg yvir.
Mynd: Ritzau Scanpix  
 
17.04.2022 - 17:38

Ukrainski forsætisráðharrin, Denys Smyhal, sigur, at ukrainsku deildirnar í kringsetta havnarbýnum Mariupol hava ikki givið seg yvir.

Tað sigur hann í samrøðu við sjónvarpsstøðina, ABC.

Russland gav annars Ukraina kravboð um at leggja vápnini í seinasta lagi á middegi í dag, men tað hava ukrainsku deildirnar ikki gjørt, sigur forsætisráðharrin. 

 

Russiski herurin kann koma aftur

Volodymyr Zelenskyj, forseti, sigur, at Ukraina hevur ongar ætlanir um at lata eystara part av landinum frá sær í krígnum, sum byrjaði, tá Russland gjørdi innrás 24. februar.

Forsetin sigur við CNN, at ukrainski herurin er til reiðar at stríðast móti russiska herinum í Donbas-landspartinum har eysturi í landinum.

- Eg havi einki álit á russiska herinum og leiðsluni har. Veruleikin er, at vit stríddust ímóti teimum, og teir tóku seg aftur frá leiðunum kring Kyiv og Tjernihiv. Tað merkir kortini ikki, at russiski herurin kann nærkast hesum leiðum aftur, um hann ikki er førur fyri at taka Donbas, sigur Zelenskyj við CNN. 

Er kopiera
Nýggjastu sendingar í ÚV
Týsdag 18. februar
Breddin: Nýggj tilmæli um skíggjaráð
187934
Týsdag 18. februar
Morgunlestur týsdagur 18.februar 2025
186671
Mánadag 17. februar
Karl Vidtfeldt: Beri felagið í hjartanum
187908
Mánadag 17. februar
Norðurljóð 17.februar
187247
Nýggjastu sendingar í SV
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762