Nýggjárskonsertin í fjør verður send leygarkvøldið

Nýggjárskonsertin í fjør verður send leygarkvøldið
Nýggjárskonsertin í ár bleiv avlýst orsakað av koronastøðuni. Í staðin sendir Kringvarp Føroya konsertina, sum varð upptikin í fjør
Føroyingar fáa eitt plástur á sárið, nú Nýggjárskonsertin í ár bleiv avlýst
 
05.01.2022 - 15:52

Størsta konsertin á árinum hjá Føroya Symfoniorkestri, Nýggjárskonsertin, er avlýst.

Tað er koronustøðan í Føroyum og tey høgu smittutølini, ið gera, at tað ikki verður mett ráðiligt at halda konsertina.

"Vit eru øll sera hørm um støðuna. Tónleikarar, sangarar, ljóð-, ljós-, og pallfólk hava øll lagt nógva orku í fyrireikingararbeiðið, og øll hava glett seg til aftur at framføra fyri áhoyararum. Vit hava broytt sniðið á konsertini fleri ferðir fyri at sleppa at framføra, men vit mugu viðurkenna, at tað tíverri heldur ikki verður í ár. Vit fáa ikki hildið tilmælini við tí stóru manningini, sum nýggjárskonsertin krevur, og tí hava vit nú avgjørt at avlýsa", sigur Hans Petur í Brekkunum, stjóri í Føroya Symfoniorkestri.

 

Senda konsertina frá í fjør

Tað var heldur ikki gjørligt at spæla nýggjárskonsertina í fjør, so tá var ein sjónvarpsframleiðsla gjørd av konsertini. Hendan upptøkan verður send aftur í ár nú leygarkvøldið kl. 19.30.

"Eg haldi sjálvur, at konsertin eydnaðist sera væl seinasta ár, og at hon meira enn so tolir eina endursending. Og so vóni eg sjálvsagt, at vit kunnu geva føroyingum eitt brak av eini nýggjárskonsert næsta ár," sigur stjórin.

Nýggjárskonsertin er eitt samstarv millum Kringvarp Føroya, Norðurlandahúsið og Føroya Symfoniorkestur.

Ivan Niclasen, stjóri í Kringvarpi Føroya, greiddi soleiðis frá avgerðini at avlýsa Nýggjárskonsertina í útvarpstíðindunum 29. desember.

ivan_um_nyggjarskonsertina_RED

 

Nýggjárskonsertin
Sjónvarpið
Leygarkvøldið
Kl. 19.30

 

Er kopiera
Nýggjastu sendingar í ÚV
Leygardag 5. apríl
Morgunlestur leygardagur 5.apríl 2025
189980
Fríggjadag 4. apríl
Vikuskiftið 4 apríl 2025
190276
Fríggjadag 4. apríl
Breddin: Suðuroyartunnilin
190254
Fríggjadag 4. apríl
Morgunlestur fríggjadagur 4.apríl 2025
189979
Hósdag 3. apríl
RagnarRokk 3.apríl 2025
189927
Nýggjastu sendingar í SV
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180