Summarfestivalurin verður 4. til 6. august

Summarfestivalurin 2022 verður í døgunum 4. til 6. august.

Hetta boða fyrireikararnir nú frá.

Eingin Summarfestivalur var í fjør og í ár orsakað av koronu, men fyrireikararnir siga seg ikki hava mist vónina og ætla at hava festivalin aftur næsta ár.

"Vit treingja øll til ein góðan Summarfestival, og vit vilja gera okkara til, at hetta kann lata seg gera í 2022", sigur Erik Biskopstø, stjóri í Summarfestivalinum, í tíðindaskrivi.

"Hesi seinastu tvey árini hava verið tung fyri tey, ið skipa fyri mentanartiltøkum, men tað er umráðandi, at vit ikki gevast á hondum, men vilja virka fyri, at vit aftur fáa tey stóru og góðu summartiltøkini á skrá í Føroyum", sigur hann.