Eivør vann tónleikavirðisløn Norðurlandaráðsins

Eivør vann tónleikavirðisløn Norðurlandaráðsins
Eivør Pálsdóttir vann í kvøld størstu norðurlendsku virðislønina, tá hon vann tónleikavirðisløn Norðurlandaráðsins
Ein ovfarin Eivør tekur ímóti tónleikavirðisløn Norðurlandaráðsins í Skuespilhuset í Keypmannahavn
Mynd: Martin Sylvest / Scanpix  
 
02.11.2021 - 20:24

Tað var ein ovfarin og ovurfegin Eivør Pálsdóttir, sum tók ímóti størsta norðurlendska tónleikaheiðrinum í Skuespilhuset í Keypmannahavn í kvøld. 

Dómsnevndin vísir í sínari avgerð á, at Eivør, ið er vorðin 38 ár, fær virðislønina fyri sítt ótroyttiliga arbeiði at seta Føroyar í miðdepilin, og at hon brúkar føroyska tónleikaarvin og málið í sínum tónleiki.

Eivør, sum gav sína fyrstu soloplátu út í 2000, verður heiðrað fyri at vera eitt norðurlenskt tónlistafólk, ið hevur fingist við nógv sløg av tónleiki, eitt nú rokk, kontry, klassiskan tónleik og reindyrkaðan popp.

Men uttan mun til, hvat slag av tónleiki, ið Eivør hevur fingist við, so hevur hon gjørt tað við stórari skaparmegi og stórum sjálvræðisrætti. Eivør er altíð sín egin. 

Dómsnevndin vísir eisini á, at Eivør er ein tónleikari av Guds náði, ið eisini hevur eina sera vakra sangrødd, og hennara nærvera á pallinum ger, at hon hugtekur fólk kring allan heimin. 

"Eivør er eitt djarvt tónlistafólk, ið altíð er leitandi, og fyri tað fær hon tónlistavirðisløn Norðurlandaráðsins 2021," skrivar dómsnevndin. 

Saman við heiðrinum, fær Eivør Plásdóttir 300.000 krónur. 

Her kanst tú síggja takkartaluna hjá Eivør:

Er kopiera
Nýggjastu sendingar í ÚV
Leygardag 5. apríl
Morgunlestur leygardagur 5.apríl 2025
189980
Fríggjadag 4. apríl
Vikuskiftið 4 apríl 2025
190276
Fríggjadag 4. apríl
Breddin: Suðuroyartunnilin
190254
Fríggjadag 4. apríl
Morgunlestur fríggjadagur 4.apríl 2025
189979
Hósdag 3. apríl
RagnarRokk 3.apríl 2025
189927
Nýggjastu sendingar í SV
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180