Bjóða triðja prikið í Klaksvík

Klaksvíkar sjúkrahús boðar nú frá støkk-inn til triðju koppseting fyri koronu.

Koppsetingin verður í Skálanum í Klaksvík leygardagin, 30.oktober frá kl.10.00 til 16.00.

Tilboðið er ætlað fólki oman fyri 65 ár, ella 65+. 

Treytin fyri at fáa triðju koppsetingina er, at meira enn seks mánaðir og 14 dagar eru farnir síðani aðru koppsetingina. 

Annað prik 16. apríl

Øll oman fyri 65 ár, sum fingu annað prikið fyri 16.apríl, kunnu nú fáa tað triðja.

Klaksvíkar sjúkrahús sigur, at inngongdin verður við høvuðsdyrnar í Skálanum, tær venda móti bústovninum við Mýruveg. 

Útgongdin verður inni í salinum, út til Bøgøtu.

Sjúkrahúsið minnir fólk á at hava koppsetingarkortið við.