Eykajáttanarlóg og vælferðartænastur í tinginum í dag

Í dag fer løgtingið at viðgera uppskotið hjá landsstýrinum um eykajáttanarlóg, sum hevur stívar 108 mió. kr. í halli.

Tingið skal eisini viðgera uppskot hjá Tjóðveldi um vælferðartænastur.

Tjóðveldi hevur uppskot til samtyktar, har løgtingið verður biðið um at heita á landsstýrið um at koma við frágreiðing um heildarætlan, sum lýsir neyðug tiltøk á útbúgvingarøkinum í mun til arbeiðsumstøður og arbeiðstíð til tess at tryggja nøktandi vælferðartænastur.

Lægst lønt meira í løn

Hetta skal tryggja, at vit kunnu veita tær vælferðartænastur, sum framtíðin krevur, sigur Tjóðveldi. 

Millum annað skulu tey lægst løntu fáa meira í løn.

Og fleiri sjúkrarøktarfrøðingar, heilsurøktarar, heilsuhjálparar og námsfrøðingar skulu útbúgvast. 

Tingfundurin byrjar klokkan 11.