Ein tilburður í gjár - ein triðingur liðugt koppsettur

Ein koronutilburður var í gjár, men tað er ikki greitt, hvussu viðkomandi er smittaður, sigur landslæknin.

786 kanningar vórðu gjørdar seinasta samdøgrið. Tilsamans eru nú gjørdar 298.657 kanningar.

Í løtuni eru 13 smittað av koronu, og 39 fólk eru í sóttarhaldi.

1.037 koppsett

Í gjár vórðu 1.037 fólk koppsett. 152 fólk fingu fyrra prikið. 885 fólk fingu seinna prikið, og eru liðugt koppsett.

Nú hava 26.105 fólk fingið fyrru koppsetingina, og tað svarar til 49 prosent av fólkatalinum.

17.392 fólk hava fingið seinnu koppsetingina, tað svarar til 32,6 prosent, sum eru liðugt koppsett.

Tilsamans 43.497 koppsetingar eru gjørdar í Føroyum.