2.000 útlendingar hava arbeiðsloyvi í Føroyum

Talið á uppihalds- og arbeiðsloyvum til útlendingar í Føroyum var tað sama í 2020 sum í 2019, umleið 2.000.

Fyrstu 14 árini í hesi øldini høvdu 400-700 útlendingar uppihalds- og arbeiðsloyvi í Føroyum.

Men við tí stóra vøkstrinum í virkseminum í Føroyum, fór talið at vaksa av álvara eftir 2014, og serliga stórur var vøksturin frá 2016 til 2019.

Til dømis var talið á arbeiðs- og uppihaldsloyvum 422 í 2013, og fór upp um 2.000 í 2019. Men síðani er vøksturin steðgaður, tí í 2020 var talið tað sama.

Talið á brotum á útlendingalógina minkaði til 2017. Tá fór tað at vaksa nógv, úr 13 í 2017 upp í 72 í 2019. Í fjør var talið 92.