Nýggj eltrygdarlóg á veg

Ein nýggj eltrygdarlóg er á veg.

Uppskotið kom í løgtingið í gjár.

Neyðugt er at tryggja, at tann, sum fæst við elektriskan útbúnað og elektriskar innleggingar, hevur neyðugar førleikar og nøktandi kunnleika um tær fyriskipanir, sum verða nýttar fyri elektriskan útbúnað, elektriskar innleggingar og tilfar, stendur í viðmerkingunum um lógaruppskotið, sum er úr Vinnumálaráðnum.

Lóg frá 1993

Galdandi lóg er frá 1993, og bara smávegis broytingar eru gjørdar síðani.

Endamálið við lógaruppskotinum er at broyta løggildingarskipanina frá eini persónligari løggilding til eina fyritøkuløggilding.

Samstundis er komið eitt lógaruppskot um løggilding.