- Tíðindi, mentan og ítróttur
Lønargjaldingarnar minkaðar 23 mió. kr.
Lønargjaldingarnar minkaðar 23 mió. kr.
Vøkstur var í lønargjaldingunum hjá teimum, sum starvast í almennum og privatum tænastum, men í byggivinnuni og fiskivinnuni er vøksturin steðgaður
Afturgongd hevur verið í lønargjaldingunum í byggivinnuni, men ein lítil vøkstur í almennum og privatum tænastum
16.11.2020 - 10:43
Stígur tykist verða komin í lønargjaldingarnar, sigur Hagstovan.
Í oktober vórðu goldnar tilsamans 865 milliónir krónur í lønum, 23 milliónir færri enn sama mánað í fjør.
Í oktober fingu mannfólk slakar 534 milliónir krónur í lønum og konufólk 331 milliónir.
Ein lítil vøkstur var í lønargjaldingunum hjá teimum, sum starvast í almennum og privatum tænastum, men í byggivinnuni og fiskivinnuni er vøksturin steðgaður, sigur Hagstovan.
Starvsfólk í almennum tænastum fingu 290 milliónir í lønum í oktober, og í privatu vinnuni vórðu goldnar 271 milliónir kr.
Løngjaldingarnar í fiskivinnuni vóru 156 milliónir kr. í oktober og 148 milliónir í byggivinnuni.
Er kopiera
Nýggjastu sendingar í ÚV
Nýggjastu sendingar í SV
