Eisini skúlastýrisval 10. november

Týsdagin 10.november verður umframt kommunuval skúlastýrisval.

Foreldur velja fólk í skúlastýrið í skúlan, har børn teirra ganga.

Í skúlum, sum hava minst 20 næmingar, eru trý foreldur í skúlastýrinum, og í teimum smáu skúlunum eru tvey foreldur í skúlastýrinum.

Í skúlastýrinum hittast foreldur, umboð fyri kommunustýrið, starvsfólkaumboð og skúlaleiðarin regluliga at viðgera millum annað meginreglur og arbeiðsumstøður, læring og trivnaðarátøk skúlans.
 
Formaðurin ella forkvinna í valnevndini skulu hava listarnar við teimum, sum stilla upp, eina viku fyri valið.

Kommunustýrini, sum verða vald 10.november, velja umboðini hjá kommununi í skúlastýrinum. Skúlaleiðarin er fastur limur, og hvørt ár velja starvsfólkini sín stýrislim.