- Tíðindi, mentan og ítróttur
Landsstýrið viðger kunngerðir um hjálparpakka 2

Landsstýrið fer á fundi seinnapartin at taka støðu til kunngerðirnar, sum skulu greina, hvussu fyritøkur kunnu fáa hjálp eftir hjálparpakka 2, sum løgtingið samtykti 6. apríl.
Tað hevur tikið rúma tíð at orða kunngerðirnar, tí løgtingið samtykti fleiri broytingar í upprunaliga uppskotinum.
Fyritøkur, sum eru hart sperdar av koronakreppuni, kunnu vænta sær fíggjarligan stuðul úr hjálparpakka 2.
Fyritøkurnar kunnu fáa fíggjarligan stuðul til fastar útreiðslur.
Í mesta lagi 80.000 kr. um mánaðin
Stuðulsskipanin fevnir um allar fyritøkur, sum hava mist í minsta lagi 40 prosent av sínum umsetningi.
Stuðul verður latin fyri skjalprógvaðar fastar útreiðslur sum húsaleigu, el, hita, fjarskifti, rentur, trygging o.l.
Útgjaldið fyri hvørja fyritøku er í mesta lagi 80.000 kr. um mánaðin.