Kunnu landa fisk uttanlands

Lógin um sjófeingi loyvir undantøkum frá regluni um, at allur fiskur hjá føroyskum skipum skal landast um bryggjukant í Føroyum.

Og tey undantøkini eru longu komin.

Sambært kunngerð, sum kom í gildi í gjár, kunnu nøkur fiskasløg landast uttanlands. 

Tey eru búrfiskur, lodna, rossamakrelur, brislingur, hvítingsbróðir, stinglaksur, langasporl, kubbuta, rísna og trant langasporl.

Krabbi og rækjur eru eisini undantikin regluni um føroyskan bryggjukant.