Menn ein triðing meira í løn enn kvinnur

Menn fáa góðar 10.000 kr. meira um mánaðin í løn enn kvinnur fáa.

Í apríl í ár, sum nýggjastu tølini eru frá, vóru 14.250 menn og 13.150 kvinnur í løntakaraskaranum í Føroyum. 

Menn fingu 510 milliónir í løn í apríl, og kvinnur fingu 335 milliónir.

Hetta gevur monnum í miðal eina mánaðarløn upp á 35.790 kr.

Miðallønin hjá kvinnum var 25.475 kr.

Munurin størri nú

Í juni fingu menn 520 milliónir í løn og kvinnurnar 320 milliónir.

Vøksturin í lønum hevur verið størri hjá monnum enn hja kvinnum seinastu fimm árini, sigur Hagstovan. 

Nú eru lønirnar hjá monnum 200 milliónir størri enn hjá kvinnunum mánaðarliga. 

Fyri fimm árum síðani, í 2014, var hesi munur 140 milliónir mánaðarliga. 

Løntakartølini fyri juni í ár koma ikki fyrr enn í september.